زعبــــــــــــــــــــــــــــلاوي.... منتدي ثقافي إجتماعي (معا نسعي لكى نتعلم )
 
زعبلاوىالرئيسيةس .و .جبحـثالتسجيلالمجموعاتدخول

شاطر | 
 

 نون وجدته وليلة الامتحان

اذهب الى الأسفل 
كاتب الموضوعرسالة
دنيا
زعبلاوى
زعبلاوى
avatar

انثى
عدد الرسائل : 209
العمل/الترفيه : على باب الله
المزاج : عال العال
تاريخ التسجيل : 21/04/2008

مُساهمةموضوع: نون وجدته وليلة الامتحان   05/07/09, 11:11 pm

بسم الله الرحمن الرحيم

دى قصه واحد قعد مع جدته ليله الامتحان:


الله أكبر الله أكبر..أذان الظهر..


الجدة : يارب.. يارب بحق ده الآدان تنجح يا نون يابن ابنى وأشوفك دكتور أد الدنيا


الحفيد : ياستى بس أنا فى تجارة


الجدة : - وماله يابنى هو يكتر على ربنا...... ده ربنا قادر على كل شئ


الحفيد : ياستى ونعم بالله بس اللى بيطلع دكتور لازم يكون فى كلية الطب مش التجارة-


الجدة : ياللا تجارة تجارة ..ومالها التجارة ..دى حتى التجارة شطارة..ده الله يرحمه جدك كان تاجر فى الوكالة أد الدنيا-



الحفيد : ياستى التجارة اللى فى الوكالة حاجة واللى فى الكلية حاجة تانية-



الجدة : ع العموم شد حيلك أنته وانا أخلى جدك يخدك معاه الوكاله عشان تتدردح وتتودك فى السوق-



الحفيد : جدى إيه اللى هايخدنى معاه .....ده جدى مات من زمان ياستى-



الجدة : يامصيبتى عبد الواحد مات..ياحبيبى ياأخويا..مكنش يومك ياسبعى-



الحفيد : ياستى ده ميت من تلتين سنة-



الجدة : تلتين سنه..ده العمر بيجرى ياولاد تصدق ولا حسيت بيهم....ياللا أهو غار فى داهيه....قطع وقطعت -سيرته..ده كان بخل الدنيا فيه..أن ما عمره دخل عليه ببطيخة ولاكيس جوافة



الحفيد : ياستى حرااام عليكى عايز أذاكر بقى-



الجدة : يوه..وأنا ماسكاك ياوله..ذاكر ...ذاكرعشان ربنا يكرمك وتنجح وتاخد الدبلون-



الحفيد : ياستى دبلون إيه..أسمه البكالوريوس-



الجدة : أنته عتضحك عليه ياوله..أسمه الدبلون الواد ابن فايزة جدع زيك كده فى مدرسة التجارة وخد الدبلون-



الحفيد : خلاص دبلوم دبلوم ياستى ..سيبينى بقى عشان أذاكر -



الجدة : -ذاكر ..ذاكر ياأخويا ذاكر... تعرف ياواد ..ندرن عليا يوم ماتنجح لأكون رايحه خاطبالك عبير بت رئيسه....دىإيه ياواد.. أدب وأخلاق..وعلام كمان



الحفيد : ياستى عبير دى معاها أعدادية-



الجدة : -وماله يابنى ...الراجل مايعبهوش إلا جيبه



الحفيد : راجل ...راجل مين ياستى...عبير دى بنت -



الجدة : -عبير ...عبير مين ياوله..أنته بتعرف بنات من ورانا



الحفيد : لا إله إلا الله....أبوس رجلك ياستى أرحمينى بقه -



الجدة : -طب ذاكر....ذاكر جتك نيله وأنته طالع براوى كده زى أمك....قطعت وقطعت سيرتها...أنامش عارفه أبوك كان أجوزها على إيه..حكم...قال لبس البوصة تبقى عروسة..بس واللى نبى النبى نبى لكون مبوظه الخطوبة دى ومجوزاه أنيسة بت أختى



الحفيد : -ياستى خطوبة إيه..أبويا مجوز أمى من خمسة وعشرين سنة ..وبعدين أنيسة دى بنت أخوك مش بنت أختك ..وأساسا إنتى ملكيش إخوات بنات



الجدة : صحيح ياوله ..أنته عندك حق أنا مليش إخوات بنات..أصلى أناأمى ماكنتش بتخلف صبيان-



الحفيد : حرااااااااااااا ااااااااااااااا اااااام ............ستى ماتطلعى البلكونة شويه ...ده الهوا حلو بره -



الجدة : لأياخويا....فى جدع كده حليوه وشعره مسبسب فى البلكونه اللى فى الوش بيقعد يعاكسنى-



الحفيد : خلاص روحى المطبخ ...أهو زمان أمى خلصت الرز-



الجدة : رز...رز إيه يابنى....هوأنا ليه سنان للمكرونه...أناهطلع البلكونه أحسن-



الحفيد : طب أبقى خلى بالك م الهوى ياستى-



الجدة : هوى لما يلطشك يا وله -
*****



الحمد لله أخيرا خرجت وقدرت أذاكر .. رحت الأمتحان تانى يوم وربنا كرمني وحليت كويس لكن للأسف المراقب سحب مني الورقة
قبل ما أكتب أهم حاجة فيها



ياترى أنا كان إسمى إيه؟؟ ياترى كان إسمى إيه؟؟
انا مين انا ليييييييه انا ازااااااى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
7abeb_elmlayeen
Admin
avatar

ذكر
عدد الرسائل : 351
العمر : 31
العمل/الترفيه : lawyer
المزاج : thank allah for everything
الدولة :
تاريخ التسجيل : 28/01/2008

مُساهمةموضوع: رد: نون وجدته وليلة الامتحان   06/07/09, 12:36 am

هههههههههههههههههههههههههههههه الواد جدته جننته ههههههههههههههههههه ربنا يكون فى عونه وربنا انا لو ليا جده زيه كده كنت قتلتها
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://zaabalawi.montadarabi.com
اية
زعبلاوى
زعبلاوى
avatar

انثى
عدد الرسائل : 890
العمر : 29
العمل/الترفيه : ====
المزاج : بحب الحب
تاريخ التسجيل : 19/03/2008

مُساهمةموضوع: رد: نون وجدته وليلة الامتحان   08/07/09, 08:04 pm

ههههههههههههههههههههههههههههههههه
انت هتقوللى هههههههههههههههههههههههه

جااااااااااامده


انا بئه والله بجد بحب اوى اتكلم مع دول
هههههههههههههههههههههه
بفضل ارد عليهم واضحك
بس باحترام مش تريقه يعنى
هههههههههههههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
7abeb_elmlayeen
Admin
avatar

ذكر
عدد الرسائل : 351
العمر : 31
العمل/الترفيه : lawyer
المزاج : thank allah for everything
الدولة :
تاريخ التسجيل : 28/01/2008

مُساهمةموضوع: رد: نون وجدته وليلة الامتحان   08/07/09, 10:01 pm

ما انتى واحده منهم وشكلى هقتلك انتى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://zaabalawi.montadarabi.com
 
نون وجدته وليلة الامتحان
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
زعبـــــــــــــــــــلاوى :: ..:: الساحـــة العـــامــة ::.. :: ساحة ترفيــه زعبلاوى-
انتقل الى: