زعبــــــــــــــــــــــــــــلاوي.... منتدي ثقافي إجتماعي (معا نسعي لكى نتعلم )
 
زعبلاوىالرئيسيةس .و .جبحـثالتسجيلالمجموعاتدخول

شاطر | 
 

 مش باقى منى

اذهب الى الأسفل 
كاتب الموضوعرسالة
Admin
Admin
avatar

ذكر
عدد الرسائل : 125
العمر : 37
العمل/الترفيه : أنسان
المزاج : ---
تاريخ التسجيل : 27/01/2008

مُساهمةموضوع: مش باقى منى   12/06/09, 12:46 pm


مش باقى منى –جمال بخيت
غير شوية ضى فى عنيا
انا حديهملك
وأمشى بصبرى فى الملكوت
يمكن فى نورهم تلمحى خطوة
تفرق معاكى بين الحياة والموت

مش باقى منى
غير شوية نبض فى عروقى
خدى وعيشى
و أفتحيلى تابوت
افرح بريحة ورد فرعونى
وربنا فى عونى
اذا دخلت الجنة ولا النار
حاشتاق الى ضحكتك
وقاعدتى فى الدار
و القهوة متحوجة من طيبة العطار
فى كل يوم الصبح اشرب حليب قبطى
وفى النهار
و المسا
امسك ستار الكعبة لو سبتى
و اثبت اذا هربتى
أهديكى عمرى
و حسى
وجوارحى
أهديكى جرحى
هو الى باقى فى دنيتى
لما خلص فرحى

مش باقى منى
غير شوية لحم فى كتافى
بلاش يتبعتروا
فى البحر
بلاش يتحرقوا
فى قطر الصعيد فى العيد
بلاش لكلاب الصيد تناوليهم
خدى الى باقى من الأمل فيهم
وابنيلى من عضمهم
فى كل حارة مقام
وزورينى
مرة وحيدة
لو كل الفين عام
ألم الجراح يتلم

مش باقى منى
غيرشوية دم
متلوثين بالهم
مرين وفيهم سم
كانوا زمان شربات
والنكتة سكرهم
شربتهم الخفافيش
فى قلب اوكارهم

مش باقى منى
غيرشوية دم
مقدرشى
اسقيكى مواجعهم
وبرضو مقدرشى
ارميكى و ابعهم
يمكن فى مرة تعوزى
تطلبينى شهيد
حاحتاج يوميها الدم
يمضى على شهادتى

مش باقى منى
غير شوية قوة
فى ارادتى
على شوية شعر
من خطى
حاسبى عليهم
وانتى بتخطى
وانتى فى صبح الدلال
بتعطرى شطى

مش باقى منى
غير شوية ضى فى عنيا
انا مش عيزهم
لو كنت يوم حلمحك
وانتى بتواطى
فى معركة مفيهاش
لاطيارات
ولاجيش
وانتى فى طابور العيش
بتبوسى ايد الزمن
يناولك لقمة
من حقك المشروع


مش باقى منى
غير .. شهقة
شهقة فى نفس مقطوع
بفتحلها سكة
ما بين رئة وضلوع
ما بين غبار و دموع
وانا تحت حجر المقطم
فى الدويقة بموت
انا والعطش و الجوع
يئن تحت التراب
وانا صوتى مش مسموع
يا حلمنا الموجوع
من المرور ممنوع
مستنى لما يمر
موكب سلاطينك


مش باقى منى
غير شوية رحمة من طينك
على شوية صبر من دينك


مش باقى منى
غير حبة غنى تايهين
فى الضلمة
مش لقين
حس الفواعلية
ولاصوت مراكبى عفى
فوق المعادية
ولا صوت بناتى العزارة
فى كل صبحية
والغنوة امنية
يما نفسى اقابل حبيبى
وانا ع زراعية
صوتك و صوتهم غاب
وانا تحت حجر المقطم
باموت لواحدية
الليلة
راحت عيونى
تطل عالبستان
وجناين الرمان
رجعتلى توصف
عناد الغل و الدخان
وسحابة سودة تضلل
على الغنى الغلبان
رجعتلى توصف
هبوب الموت
على الألوان
رجعتلى توصف
خيال الزل
فى موائد الرحمن
رجعتلى توصف

مش باقى منى
غير شوية كفر بشروقك
وانا منبع الأيمان

مش باقى منى
غير شوية ضى
وعنيا مش قادرة تلمحنى
فى وحدتى محنى
خايف اموت من الخوف
والضعف يفضحنى
السجن عشش فى قلبى
وماشى فى شوارعك
نفس الى باعنى انا
بالرخيص بايعك
أشيل حمولى انا
ولا حاشيل حملك
ما عدت املك شئ
فيكى ولا فيا
ولا قيراط ولابيت
ولانسمة صافية
تلاغى النيل بحرية

مش باقى منى
غير شوية حب
جارحنى
ولاباقى منى
غير شوية ضى
فى عنيا

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://zaabalawi.montadarabi.com
the queen
زعبلاوى
زعبلاوى
avatar

انثى
عدد الرسائل : 479
العمر : 28
العمل/الترفيه : student
المزاج : fine
تاريخ التسجيل : 05/05/2008

مُساهمةموضوع: رد: مش باقى منى   12/06/09, 03:00 pm

جميلة جدا يا ادمن
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
7abeb_elmlayeen
Admin
avatar

ذكر
عدد الرسائل : 351
العمر : 31
العمل/الترفيه : lawyer
المزاج : thank allah for everything
الدولة :
تاريخ التسجيل : 28/01/2008

مُساهمةموضوع: رد: مش باقى منى   12/06/09, 07:30 pm


حلوة جدا القصيدة دى يا فريد ونايس كلمات لجمال بخيت وانا بالنسبه ليا جمال بخيت ده بحترمه جامد جدا والقصيده دى بيغنى منها احمد سعد بعض كلماتها فى فيلم دكان شحاته وانا جيبتلكم اهو جمال بخيت وهو بيقول القصيده دى فى برنامج العاشرة مساءا وشوفوا تأثر منى الشاذلى بكلماتها وانتو كمان يا ترى هتحسوا ايه

دى الحلقة ومتنسوش تقولوا ردكم

https://www.youtube.com/watch?v=SJzCEXmMNmY
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://zaabalawi.montadarabi.com
اية
زعبلاوى
زعبلاوى
avatar

انثى
عدد الرسائل : 890
العمر : 30
العمل/الترفيه : ====
المزاج : بحب الحب
تاريخ التسجيل : 19/03/2008

مُساهمةموضوع: رد: مش باقى منى   25/06/09, 03:06 am

كلمات جميله اوى يا ادمين
الله ينور عليك

دى الحلقة ومتنسوش تقولوا ردكم

جميله طبعا واللى قاله اجمل...
تسلم ايدك يا احمد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مش باقى منى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
زعبـــــــــــــــــــلاوى :: المكتبـــــــــــــــــــــــــة :: الأدباتيــــــــــــــــــــــــــــــة-
انتقل الى: